Zyrtare: FIFA lejon edhe pesë lojtarë të paraqiten me Kosovën

05.09.2016 15:18

FIFA ka konfirmuar se Amir Rrahmani, Alban Meha, Herolind Shala, Milot Rashica dhe kapiteni i përfaqësueses, Samir Ujkani, kanë lejen që të paraqiten për Kosovën.

Zyrtare: FIFA lejon edhe pesë lojtarë të paraqiten me Kosovën

FIFA u ka kthyer përgjigje pozitive Samir Ujkanit, Herolind Shalës, Alban Mehës, Milot Rashicës dhe Amir Rrahmanit, të 5 futbollistëve që vinin nga përfaqësuesja shqiptare, të cilët ishin në pritje të lejekalimit prej disa ditësh dhe ishin në ankth nëse do të mund të luanin apo jo.

Pasi është dhënë lajmi në hollin e hotelit, lojtarët janë përqafuar me njëri-tjetrin duke iu festuar kësaj arritje, pasi kështu do të kenë mundësinë të zbresin të plotë në fushën e lojës.

I vetmi lojtar i grupit aktual i cili është në pritje të FIFA-s, mbetet mesfushori Valon Berisha, për të cilin organizata ndërkombëtare do të japë përgjigje pak më vonë. /Insajderi.com