Real Madridi hidhet në sulm për Kun Agueron. Madrilenët të gatshëm të shpenzojnë shuma të mëdha parash për t’i plotësuar dëshirën trajnerit Zinedine Zidane.
“Los Blancos” kanë parashikuar një revolucion në skuadër gjatë afatit të ardhshëm kalimtar dhe një nga objektivat kryesorë të Realit për sulmin është pikërisht argjentinasi i Manchester City-it, njofton gazeta spanjolle Marca.
Sergio Aguero pak ditë më parë deklaroi se dëshiron ta mbyllë karrierën te “Citiziens” aq më tepër që duke filluar nga sezoni i ardhshëm skuadra angleze do të drejtohet nga një trajner fantastik si Pep Guardiola, raporton Insajderi.
Megjithatë Reali nuk heq dorë nga ai dhe sipas medieve të ndryshme trajneri i madrilenëve, Zinedine Zidane po punon për të bindur presidentin Florentino Perez të bëjë të pamundurën për të sjellë Agueron në kryeqytetin spanjoll.
27-vjecari argjentinas ka qenë gjithmonë një dëshirë e vjetër e Realit të Madridit madje Los Blancos përpara se ky i fundit të transferohej në Premier Ligës te Manchester City në 2011-n tentuan blerjen e argjentinasit por presidenti i Atleticos, presidenti Cerezo Marin në atë periudhë nuk e lejojë kalimin e Agueros te rivalët nga i njëjti qytet.