Facebook është duke fituar garën me Snapchat. WhatsApp Status, versioni i historive të Snapchat, tashmë numëron 250 milion përdorues aktivë në ditë.
Edhe Instagram Stories numëron 250 milion përdorues aktivë në ditë ndërsa Snapchat ka 166 milion përdorues të aplikacionit.
I gjithë ky angazhim me historitë dhe thirrjet audio e video kanë dërguar 1 miliard numrin e përdoruesve aktivë në ditë të WhatsApp dhe 1.3 miliard në muaj.
E thënë ndryshe 76% e përdoruesve në total të WhatsApp e përdorin atë çdo ditë. WhatsApp dërgon 55 miliard mesazhe në ditë, 4.5 miliard foto dhe 1 miliard video.
Kur u ble nga Facebook në 2014-ën WhatsApp kishte 350 milion përdorues në ditë dhe 450 milion në muaj. Ndërsa sot blerja 19 miliard dollarëshe e tij mund të mos duket çmenduri.
Rritja e shpejtë e WhatsApp Status në vetëm 6 muaj që kur debutoi në Shkurt tregon hapësirat që ka lënë Snapchat në treg duke u fokusuar vetëm në SHBA dhe jo mbarë botën.
