Lëvizja Vetëvendosje po përgatit një kallëzimi penal ndaj vendimit të qeverisë së Ramush Haradinaj për të ja rritur rrogat vetes.
Kështu tha deputetja Albulena Haxhiu e cila konsideron se ky vendim është i jashtëligjshëm.
“Vendimi i paligjshëm i Qeverisë për rritjen e pagave, është në kundërshtim edhe me Ligjin për Buxhetin e vitit 2018 dhe ka implikime buxhetore rreth 8 milion Euro. Ne jemi duke i bërë kallëzimet penale dhe shumë shpejt do t’i deponojmë ato”, shkroi ajo në Facebook.
Zëvendësministri i Financave, Fatmir Gashi deklaroi sot se pagat e rritura me vendim të kryeministrit Haradinaj nuk janë ekzekutuar nga ministri i Financave, Bedri Hamza. /Insajderi.com
