Kryeministri i Serbisë, Aleksandar Vuçiq, ka deklaruar se Qeveria e tij ka marrë vendimin për anulimin e vendimit të Qeverisë së Kosovës me të cilën gjithë pronën e paluajtshme të ish-RSFJ-së, ish-Federatës Jugosllave, Serbisë dhe të Krahinës Autonome të Kosovës e kalon në pronësi të saj.
Ai tha se ka vepruar njëjtë si edhe në rastin e kombinatit “Trepca”.
Vuçiq iu tha gazetarëve se që nga fillimi i bisedimeve në Bruksel ‘ka qenë e qartë se Prishtina do ta ndërmarrë një hap të tillë”, njofton REL
Ai tha se përfaqësuesit e Prishtinës, gjithashtu, kanë refuzuar çdo herë të flasin për pronat në kuadër të dialogut.
“Prandaj ky hap i Prishtinës, që nuk është asgjë tjetër veç një rrëmbim i pronës së tjetër kujt, e konsiderojmë të pavlefshëm”, tha Vuçiq./Insajderi.com
