Kryetari i Federatës së Futbollit të Kosovës, Fadil Vokrri, ka folur për trajnerin e ardhshëm të Përfaqësueses së Kosovës, ku nuk mungoi edhe komenti për Lothar Matthausin për këtë post.
“Rezultatet e Përfaqësueses e Kosovës? Rezultatet nuk janë zhgënjyese. Prej gjashtë skuadrave në grup, katër kanë qenë pjesëmarrëse në ‘Euro 2016’ dhe kanë treguar suksese në dhjetëvjeçarin e fundit”.
“Kurse ne, në ndeshjen e parë ndaj Finlandës, katër orë para ndeshjesh ende nuk dinim se me cilët lojtarë do të luanim, duke shtuar entuziazmin, them se ne duhet t’ia dimë hallin vetës. Dëshirat dhe mundësitë janë dy gjëra të ndryshme”.
“Trajneri i ardhshëm? Do të mundohemi të bëjmë zgjedhjen më të mirë të mundshme. Deri më tani nuk ka emra konkretë, të gjithë ata emra që janë spekuluar unë i kam demantuar. Të vetmin, një bisedë që e kamë bërë me Matthaus, ishte miqësore. Por, nuk mund të them se është një kandidaturë e tij serioze, por është mundësia”, përcjell Telegrafi.
“Deri kur Kosova duhet të zgjedhë trajnerin e ri? Deri në mars, por ne do mundohemi më herët”.
“Miqësorja ndaj Letonisë, çfarë pritni?” Kemi pasur vështirësi të gjejmë miqësore, shumë skuadra janë paraqitur, por ne ishim pa stadium. Me vendosjen e reflektorëve në Mitrovicë, kemi kërkuar që së paku të zhvillojmë ndeshjet miqësore”, tha Vokrri.
