“Veseli në fushatë, s’ka kohë për mbledhjen e kryesisë”

27.03.2017 13:43
“Veseli në fushatë, s’ka kohë për mbledhjen e kryesisë”

Shefi i Grupit Parlamentar të Vetëvendosjes, Glauk Konjufca, ka thënë se kreu i Kuvendit Kadri Veseli mungoi sot në mbledhjen e Kryesisë, sepse s’ka kohë pasi ai është në fushatë, duke u sjellë si kryeministër.

“Kadri Veseli nuk ishte sot në mbledhjen e kryesisë, për shkak se ai është duke bërë fushatë”, ka thënë Konjufca.

Por më mbrojtje të shefit të partisë ka dalë nënkryetari i Kuvendit, Xhavit Haliti.

Ai ka thënë se Veseli i ka pesë zëvendës dhe mund ta zëvendësojnë në çdo kohë.

“Veseli i ka pesë zëvendës që mund ta zëvendësojmë në çdo kohë, sepse kjo është puna jonë”, ka thënë Haliti para medieve./Insajderi.com