Në Burojë të Skenderajt banorët duhet të bëjnë kilometra të tëra për të siguruar ujë nga burimi. Në këtë fshat ka pesë vjet që është prishur sistemi i ujësjellësit dhe ende nuk është rregulluar.
Musli Duraku, banor i Skënderajt, i pakënaqur tregon që ujësjellësi nuk funksionon dhe kanë shumë mungesë të ujit të pijshëm.
“Në aspektin e ujit nuk kanë punu komuna hiç”, thotë ai. Pos tjerash zoti Duraku tregon që ka shumë njerëz që janë lënduar duke u munduar të marrin ujë nga burimi më i afërt. “Ka njeri që është vra, e ka thy kambën, e ka thy dorën për punë të ujit këtu”, shprehet ai.
Ka pesë vjet që është prish sistemi i ujësjellësit dhe ende nuk është rregulluar, njofton Transmetuesi Publik i Kosovës.
Edhe ky ujësjellës nuk ishte funksional. Banorët tregojnë se asokohe ujë të pijshëm kishin vetëm dy orë.
Zyrtarë komunalë thonë se zgjidhja pritet të bëhet në vitin 2018. /Insajderi.com
