Një person 62 vjeçi me inicialet S.D. ka vdekur pasi traktori me të cilin ai ndodhej u rrokullis në Shtërpcë.
Policia Rajonale të Ferizajt, njofton se rasti ka ndodhur në periferi të Shtërpcës me c`rast S.D. ishte udhëtar në traktorin, ndërsa atë po e drejtonte 57 vjeçari me inicialet S. Z.
“Të lënduarit dërgohen në QKUK Prishtinë për tretman mjekësor, ku rreth orës 16:00, nga personeli mjekësor jemi njoftuar se pasagjeri S.D.(m/s/k 62 vjeç) nga lëndimet e pësuara ka ndërruar jetë”, shkruan në komunikatën e Policisë.
Trupi i pa jetë i viktimës, është dërguar për obduksion në Institutin e Mjekësisë Ligjore, kurse i dyshuari, pas lirimit nga tretmani mjekësor, me urdhër të Prokurorit të Shtetit është ndaluar për 48 orë. /Insajderi.com