Një 45 vjeçare ka humbur jetën pas lëndimeve të marra gjatë një aksidenti trafiku dje në Ferizaj.
Aksidenti ka ndodhur në rrugën lokale të fshatit Slivovë, ku ngasësi i automjetit të udhëtarëve me targa lokale i moshës 22 vjeç, duke mos e përshtatur shpejtësinë e lëvizjes me kushtet e rrugës, humb kontrollin ndaj timonit dhe godet dy këmbësore të cilat marrin lëndime serioze.
“Të lënduarat dërgohen në QKUK Prishtinë për tretman mjekësor, ku rreth orës 19:00, nga personeli mjekësor jemi njoftuar se viktima E.A. (f/sh/k 47 vjeçe) nga lëndimet e pësuara ka ndërruar jetë dhe me urdhër të Prokurorit të Shtetit, trupi i pajetë i viktimës dërgohet për obduksion në Institutin e Mjekësisë Ligjore”, njofton Policia e Kosovës.
Hetuesit policorë janë duke zhvilluar hetimet lidhur me rastin, ndërsa i dyshuari, me urdhër të Prokurorit të Shtetit, ndalohet për 48 orë. /Insajderi.com