“Ultimatumi” i Mogherinit ndaj Ivanovit për t’ia dhënë mandatin Zaevit

02.03.2017 20:01
“Ultimatumi” i Mogherinit ndaj Ivanovit për t’ia dhënë mandatin Zaevit

 

Përfaqësuesja e Lartë e BE-së, Federica Mogherini, e cila sot ka qëndruar për vizitë në Maqedoni, ka kërkuar nga presidenti Gjorge Ivanov që të mandatojë Zoran Zaevin që të formojë qeverinë e re.

Mogherini I ka dhënë afat presidentit maqedonas që një gjë të tillë ta bëjë deri të hënën, njofton RTK.

Presidenti Ivanov refuzoi të mërkurën të mandatojë për kryeministër, liderin e Lidhjes Social-Demokrate, Zoran Zaev.

Në një paraqitje të jashtëzakonshme, Presidenti Ivanov tha sa se shkas për këtë vendim është platforma e partive politike e arritur sipas tij në “shtetin fqinj”, me të cilën sipas tij rrënohet karakteri unitar të shtetit të Maqedonisë.

“Deri sa të jem President i Maqedonisë nuk do të mandatoj askënd që pranon platforma të shteteve fqinje që rrënojnë sovranitetin e shtetit”, ka deklaruar Ivanov duke drejtuar akuza të rënda ndaj liderit social-demokrat për shkelje të Kushtetutës dhe tradhti të interesave kombëtare.

Ivanov tha se nuk pret reagim nga bashkësia ndërkombëtare për mos dhënien ashtu siç ndërkombëtarët nuk reaguam për platformës shqiptare, të hartuar sipas tij në një shtet fqinj, duke aluduar në Tiranë./Insajderi.com