Për 34 mijë maturantë për këtë vit, do të ketë zbritje të kalueshmërisë së testit të maturës, ku nga 50 për qind sa ka qenë më herët, këtë vit pragu i kalueshmërisë do të ulet në 40 për qind.
Këto ndryshime vijnë pas miratimit të Ligjit të ri për Maturën Shtetërore. Sipas Kryetari i Komisionit Shtetëror të Maturës (KSHM) Azem Guri, do të ketë edhe risi të tjera.
“Pragu i kalueshmërisë është 40 për qind dhe ata pajisen me certifikatë nga KSHM-ja . Komisioni Shtetëror i Maturës është duke i bërë përgatitjet sipas planit të veprimit që e ka paraparë ky komision. Ky ligj ka disa risi. E para, me këtë ligj kandidatët me rastin e përfundimit të klasës së 12 në gjimnaze me sukses pozitiv pajisen me diplomë’’, ka theksuar ai për Epoka e re.
Sipas tij, ministria këtë vit do të fokusohet edhe në ndryshim të formatit të pyetjeve.
‘’Risia është se do të kemi 100 pyetje dhe pjesa e dytë në lëndët e përafërta me profesion do të kemi 100 pyetje. Sërish testi do t’i ketë 200 pyetje, por jo me atë përbërje”, ka theksuar ai./Insajderi
