Turistët arrestohen në Kazakistan sepse ishin veshur si “Borati”

15.11.2017 22:40
Turistët arrestohen në Kazakistan sepse ishin veshur si “Borati”

Gjashtë turistë çekë janë arrestuar në Kazakistan sepse ishin veshur si “Borati”, roli i famshëm i komedianit Sacha Baron Cohen.

Grupi kishte pozuar në kostumin e veçantë në Astana javën e shkuar, ndërsa mediat lokale kanë raportuar se ata janë arrestuar dhe janë dënuar me nga 67 dollarë secili për paraqitje të pahijshme, shkruan BBC.

“Borati” mbetet figurë kontroverse në shtetin e Azisë Qendrore. Në vitin 2006, Baron Cohen kishte prodhuar filmin “Borat” në të cilin ai luante rolin e Borat Sagdiyev, një qytetar i Kazakistanit që udhëtonte drejt SHBA-së për të bërë dokumentar. Kazakistani e kishte ndaluar filmin dhe shitjen e tij përmes DVD-së, madje kishte kërcënuar me padi aktorin e njohur, pasi që e vlerësonin paraqitjen e tij të qytetarëve të Kazakistanit si raciste, seksiste dhe primitive. Gjithsesi, më 2012 ministri i jashtëm i këtij vendi falënderoi aktorin për rritjen e turizmit në shtet, transmeton Albinfo.ch.

Megjithatë, aty ndalohet shkrepja e fotografive me rroba “të pahijshme” dhe e tillë konsiderohet edhe veshja e “Boratit”.