Me këngë, me thirrje të emrit të tij, me propozime për fotografi është pritur futbollisti i Melbourne Victory, Besart Berisha, të enjten kur ka arritur në Aeroportin “Adem Jashari” në Prishtinë.
Tifo-grupi “Dardanët” i kanë organizuar një pritje të ngrohtë futbollistit nga Prishtina i cili luan në Australi, duke qenë njëherësh edhe golashënuesi më i mirë i ligës së këtij vendi, njofton televizioni publik.
Berisha ka ardhur në Kosovë për ndeshjen me Islandën, në kuadër të kualifikimeve për Botërorin 2018, e cila luhet më 24 mars në Shkodër, që është ndeshja e tij e parë me përfaqësuesen.