Raportohet se një person është therur me thikë dje në Gjilan, dhe ka marrë trajtim mjekësor. Therja ka ndodhur pas një mosmarrëveshjeje.
Këtë e bën të ditur Policia e Kosovës përmes një komunikate për media, në të cilën thotë se ngjarja ka ndodhur dje rreth orës 15:15.
“Viktima, burrë shqiptar, ka raportuar se pas një mosmarrëveshje është sulmuar fizikisht me mjet të mprehtë-thikë nga i dyshuari, burrë shqiptar. Viktima ka pësuar lëndime trupore dhe i njëjti ka pranuar tretman mjekësor. Nuk raportohet për të arrestuar”, thuhet në komunikatën e Policisë së Kosovës.