Presidenti Hashim Thaçi ua ka dorëzuar flamurin e Kosovës sportistëve pjesëmarrës në Lojërat Olimpike Rio 2016.
Flamurin e ka pranuar xhudistja kosovare Majlinda Kelmendi si kapitene e grupit kosovar në Rio 2016, njofton Insajderi.
Në garën më të madhe sportive në botë do të marrin pjesë tetë atletë nga Kosova, si Majlinda Kelmendi, Nora Gjakova, Vijona Kryeziu, Musa Hajdari, Rita Zeqiri, Lum Zhaveli, Urata Rama dhe Qëndrim Guri.
