Presidenti i Kosovës, Hashim Thaçi, ka deklaruar se Serbia nuk duhet të jetë pengesë e çështjes së të pagjeturve por të jetë pjesë e zgjedhjes.
Këto komente i bëri në takimin e mbajtur me kryesuesin e Komisionit Qeveritar për Personat e Zhdukur, Prenk Gjetaj me të cilin ka biseduar rreth angazhimit për të mbyllur kapitullin me personat e pagjetur dhe për hapat që do të ndërmarrë, thuhet në komunikatën për medie.
“Çështja e të pagjeturve është çështje humanitare dhe politika në Serbi, duhet të jetë pjesë e zgjidhjes së saj e jo pengesë”, ka thënë presidenti Thaçi.
Ndërsa Gjetaj e informoi presidentin Thaçi se deri ku ka arritur puna e komisionit dhe për pengesat kryesore në punën e tyre. /Insajderi.com
