Tërmet 5.3 shkallë të rihterit në zonën turistike të Turqisë

08.08.2017 11:49
Tërmet 5.3 shkallë të rihterit në zonën turistike të Turqisë

Një tërmet me magnitudë 5.3 të shkallës rihter është regjistruar 14 kilometra larg qytetit turistik dhe të mbipopulluar Bodrum në Turqi, raporton “US Geological Survey”.

Ende nuk dihet nëse ka viktima apo të plagosur. Bodrumi është një vend turistik për turqit dhe të huajt gjatë sezonit veror.

Ndërkohë këto lëkundje vijnë një muaj pasi 2 persona mbetën të vrarë dhe 200 të tjerë të plagosur, nga një tërmet i fuqishëm në Bodrum dhe ishujt grek.

Madje tërmeti shkaktoi dhe një cunam të vogël duke përmbytur disa zona.