Mjafton një ngjarje politike, sportive apo edhe ndonjë ceremoni martesore si ajo e ditës së djeshme në Mbretërinë e Bashkuar dhe kosovarët të fillojnë analizat dhe komentet e tyre prej “ekspertëve”.
“Si u duken princesha dhe princi”, “kush e punoj fustanin e princeshës, sa kushtoi ai”, “ky ishte grimi i ‘thjeshtë’ i princeshës”, ishin disa nga pyetjet e kosovarëve të cilat shkaktuan debat në Kosovë, e që ceremonia e martesës së Princ Harry dhe aktores Meghan Markel arriti të diskutohet deri në institucionet shtetërore të vendit.
Këshilltarja e kryetarit të Kuvendit të Kosovës, Arbana Xharra, dha një “këshillë” për vajzat e reja se si duhet të duken ato në ceremoninë e tyre martesore duke përmendur në status edhe grimerën Sellma Kasumoviq.
“Kqyrni çika, bën me u ba nuse edhe pa makeup te Sellma Mos ju nënshtroni mentalitetit provincial. As mos lejoni të tjerët me ju përcaktu “normat e bukurisë”!”, kishte shkruar gjatë ditës së djeshme Xharra.
Ky status i Xharrës bëri që kjo e fundit mos të durohet dhe të reagoj ndaj statusit të ish-gazetares Arbana Xharra.
Në një shkrim të publikuar në rrjetin social “Instagram”, Sellma kishte quajtur Arbanën një krijesë e cila ka ndryshuar pamje rrugës teksa e ka ftuar në studion e saj që “të bëhet femër”.
“Ai momenti kur nje e ashtuquajtur krijese qe ka ndrru pamje rruges, ta përmend emrin per me fitu vota (sepse as familjaret nuk ia njohin arritjet), plus koment dukeshen nga 5 mije km largesi. Duhet me pas guxim per me komentu fshehtesite e makeupit, e posaqerisht te operacioneve plastike. Hajde flasim per politike, atje ku sukseset e tua kane lene gojëhapur Meghanin e Princat ose @arbanaxharra, eja te studio Sellma, te bejme te dukesh femer (per Princeshe ki pune ne klinika)”, kishte shkruar Kasumoviq.
E në ndihmë grimerës Sellma i dolën kolegët e saj e në mesin e reagimeve ishte edhe deputeti i Partisë Socialdemokrate, Fisnik Ismaili.
Këngëtarja e njohur Adelina Ismaili po ashtu duke përdorur profilin e saj në Instagram kishte disa fjalë falënderuese për Sellmën, teksa tërthorazi thumbonte Arbana Xharrën.
“Fitimtarët fokusohen në fitore. Dështakët, fokusohen në fitimtarët. Sigurohu që e ‘puthin’ tokën me buzëkuqin e Sellmas të vendosur dhe vazhdo ti mësosh se si ta ndjejnë bukurinë. Të dua, fitimtarja ime Sellma”, shkruan Adelina Ismaili në InstaStory.
Në mbrojtje Sellmës i ka dalë edhe stilisti i njohur, Valdrin Sahiti. Ai ka shkruar me ironi në InstaStory se tani e tutje kritikat për stil dhe veshje ua kanë lënë “politikanëve”, duke iu referuar qasjes së re që Arbana ka tash e një vit si anëtare e Partisë Demokratike të Kosovës.
“Tash e tutje nga sot, përcaktimin e trendeve dhe normave do i kalojme tek disa ‘politikane’ te cilat ne punen e tyre kane arrit sukses te jashtezakonshem”, ishte njëri prej postimeve që Valdrini bëri në Instagram, duke vazhduar më pas me: “Fillimisht duhet te merret pëlqimi i te gjitheve, a jemi per… Duhet te bejme nje hulumtim te vogel ne lidhje me lookun e saj, prezantimet publike dhe bagazhin ne kete sfere”, ka shkruar Valdrin Sahiti.
E i fundit që ka vendosur të reagojë rreth këtij debati virtual është deputeti i Partisë Socialdemokrate, Fisnik Ismaili.
Fisniku i cili disa herë ka pasur përballje virtuale me Arbanën, tha se ende nuk e ka të qartë se si Arbana ka marrë guximin të kritikojë dikë për grim, kur ajo vet ka kryer operacion plastik në hundë.
” S’di qysh mundet Arbana Xharra me e kritikue dikon që shpenzon pare për me u dukë ma bukur, kur vet ka shkue e ka ba hundën operacion plastik. S’un i shëron komplekset tua, oj bijo, tuj i përqeshë tjerët, jo. Oh, the irony…”, (sic.), ka shkruar Fisnik Ismaili në Facebook. /Insajderi.com
