Stuhia Stella – gjendje e jashtëzakonshme në disa pjesë të SHBA-së

14.03.2017 21:39
Stuhia Stella – gjendje e jashtëzakonshme në disa pjesë të SHBA-së

Shtetet verilindore të SHBA-së, Nju Jorku, Nju Xhërsi, Pensilvania dhe Virxhinia kanë shpallur gjendje të jashtëzakonshme, për shkak të një stuhie të madhe të borës.

Shërbimi Kombëtar i Motit ka lëshuar alarmin për stuhi nga Pensilvania në lindje deri në Mein në jugperëndim.

Shkollat janë mbyllur, ndërsa mbi 6,800 fluturime janë anuluar.

Kushtet e motit kanë bërë që edhe kancelarja gjermane, Angela Merkel, të shtyjë për të premten udhëtimin për në Uashington, ku do të takojë presidentin Donald Trump.

Me erëra deri në 100 kilometra në orë, stuhia Stella pritet të shkaktojë pengesa të mëdha për banorët, thonë parashikuesit e motit.