SPRTK akuzon drejtuesit e RTK-së për manipulim financiar  

13.03.2017 13:45
SPRTK akuzon drejtuesit e RTK-së për manipulim financiar   

 

Sindikata e Pavarur e RTK-së, përmes një kumtese për media, ngre dyshime te bazuara për manipulime financiare nga Menaxhmenti dhe Bordi i RTK-së, në kurriz të punëtorëve të mediumit publik.

Sipas projeksionit buxhetor të siguruar nga Sindikata, për periudhën Janar-Mars 2017, drejtuesit e RTK-së kanë marr nga Kuvendi 37.500 euro në emër të shpenzimeve për sigurime. Ndërsa punëtorët e RTK-së prej datës 1 janar 2017, kanë mbetur pa sigurim shëndetësor, thuhet në komunikatë.

Sindikata e Pavarur e RTK-së, përmes një emaili të brendshëm të datës 22 Shkurt 2017, ka kërkuar sqarim nga Menaxhmenti dhe Bordi i RTK-së për këto mjete, por nuk ka marr përgjigje.

Duke qenë se kjo heshtje po vazhdon për 20 ditë, SPRTK kërkon publikisht sqarim për këtë çështje që atakon drejtpërdrejt shëndetin dhe mirëqenien e të punësuarve.

SPRTK konsideron se manipulimet financiare në emër të punëtorëve, ndryshimi i linjave buxhetore dhe mashtrimi me punëtorët, kanë konsekuenca penale.

SPRTK ka kërkuar nga Prokuroria ta hetojë këtë rast që siç thuhet në komunikatë shkel të drejtat e njeriut dhe ligjin për sigurinë dhe shëndetin në punë shton kumtesa duke përfunduar se ditët në vijim Sindikata do të jetë e detyruar t’i ftojë punëtorët në protestë pasi që nuk është hera e parë që dëmtohet interesi i tyre./Insajderi.com