Sot rifillon procesi gjyqësor ndaj Oliver Ivanoviqit

24.03.2017 08:19
Sot rifillon procesi gjyqësor ndaj Oliver Ivanoviqit

Procesi i përsëritur gjyqësor kundër liderit të Iniciativës Qytetare ‘SDP’ Oliver Ivanoviq, do të fillojë sot në Gjykatën Themelore të Mitrovicës në veri të këtij qyteti.

Gjykata e Apelit kishte anuluar aktvendimin e shkallës së parë sipas të cilit Ivanoviq u dënua me 9 vjet burgim për krime lufte.

Ky proces është paraparë deri në fund të qershorit, ku pritet të mbahen gjithsej 12 seanca gjyqësore.

Ivanoviq, i cili aktualisht ndodhet në arrest shtëpiak, ishte arrestuar më 27 janar 2014, ndërsa janë dëgjuar më shumë se 80 dëshmitarë gjatë procesit gjyqësor të shkallës së parë, që ka zgjatur më shumë se një vit./Insajderi.com