Sot fillon fushata e repelimit masiv të kafshëve

18.03.2017 08:14
Sot fillon fushata e repelimit masiv të kafshëve

Agjencia e Ushqimit dhe Veterinës sot fillon fushatën e repelimit masiv të kafshëve në komunat Malishevë, Rahovec dhe një pjesë të fshatrave të komunave Klinë dhe Suharekë.

Kjo fushatë bëhet në kuadër të Strategjisë Kombëtare për parandalimin dhe luftimin e Etheve Hemorragjike (krime kongo), përmes së cilës parashihet spërkatja e lëkurës së kafshëve, për të mbajtur larg kapjen e rriqrave.

Hapjen e fushatës do ta bëj kryeshefi ekzekutiv i AUV-së, Valdet Gjinovci, bashkërisht me përfaqësuesit e organeve lokale.

Në vendin e ngjarjes do të ketë mundësi për njohuri shtesë rreth aksionit, i cili do të zhvillohet në faza, po ashtu edhe efekti apo rezultatet që ka dhënë kjo formë e luftimit të kësaj sëmundje.

Fushata e repelimit nis në orën 11:00 në fshatin Shkozë të Malishevës.