Soldado i bën thirrje Del Bosques ta ftojë Adurizin

25.02.2016 18:04
Soldado i bën thirrje Del Bosques ta ftojë Adurizin

Sulmuesi i Villarealit, Soldado, tha se sulmuesi i Athletic Bilbaos, Aritz Aduriz, e meriton më shumë se ai një ftesë nga përzgjedhësi i përfaqësueses spanjolle, Vicente Del Bosque.

Soldado kur u pyet rreth një kthimi të tij në “furinë e kuqe”, u tregua shumë altruist duke thënë që Aduriz e meriton më shumë se ai.

“Fjalët për një rikthim timin në kombëtare, tregojnë mungesë respekti ndaj asaj se çfarë ka bërë Aduriz këtë stinor”, deklaroi Soldado për mediet spanjolle, raporton Insajderi.

Anëtari i Athletic Bilbaos, Aduriz, është 35 vjeçar ndërsa këtë sezon ka shënuar 26 herë në vetëm 30 ndeshje si titullar.

Ish-anëtari i Valencias për herë të fundit ka qenë pjesë e përfaqësueses spanjolle para 6 vitesh.