S’ka hulumtim nga AKK rreth dyshimeve për monopol

19.09.2016 10:12

Valon Prestreshi, kryetar i bordi të Autoritetit Kosovar të Konkurrencës (AKK), ka thënë se deri më tash nuk kanë kryer ndonjë hulumtim lidhur me dyshimet për monopol.

S’ka hulumtim nga AKK rreth dyshimeve për monopol

Ai thotë se kanë bërë monitorimin e procedurave të 2 rasteve rreth çmimit të mjedrës si dhe çmimi i kafeneve në Ferizaj me dyshime të marrëveshjeve të ndaluara dhe praktikave të bashkërenduara, të cilat ndalohen me nenin 4 të Ligjit për Mbrojtjen e Konkurrencës, shkruan Zëri.

Por, sipas tij, gjatë shqyrtimit paraprak të situatës në tregun relevant, kanë konstatuar se nuk ka argumente për “Fillimin e Procedurës Hetimore” në kuptim të dispozitave të ligjit.

Ai thotë se gjatë javës pritet të takohet bordi i cili do t’i shqyrtojë disa lëndë, të cilat nuk i ka bërë publike.