Fatbardha Ruhani, që për 3 vjet mësimet i ndoqi në Gjimnazin “Sami Frashëri”, mezi e gjeti emrin në listën e rezultateve të testit të Maturës Shtetërore.
Gëzimi i saj ishte i madh kur e kuptoi se kishte arritur 169 pikë nga ky testim. Raporton KTV.
Gjatë ditës, ishin të shumtë maturantët që interesoheshin për rezultatin e arritur.
Në mesin e tyre kishte edhe prindër. Naser Hasimi është shprehur i lumtur që vajza e tij e kishte kaluar testin, pasi thotë se të dyja palët kishin stres derisa e kuptuan rezultatin.
Në gjimnazin “Sami Frashëri” ka edhe nxënës që nuk e kanë kaluar testin e Maturës Shtetërore.
Për rezultatin e testit të Maturës Shtetërore, Ministria e Arsimit ka mbajtur konferencë për media.
Rezultati prej 73. 3 përqind i kalueshmërisë është cilësuar si rezultat real.
Ai ka deklaruar se do të hapet debat për testin e maturës për të parë metodat tjera që do të ndikonin në një rezultat më të mirë.
Nxënësit kanë të drejtë ankese për 3 ditët pas shpalljes së rezultatit, ndërsa ende nuk është caktuar data e mbajtjes së pjesës së dytë të testit të Maturës Shtetërore.
