Është e njohur si këngëtare e cila ka qenë e fokusuar në muzikën popullore dhe kjo i ka dhënë angazhim nëpër ngjarje të kësaj fushe, por duket sikur këngëtarja e re, Arjeta Vllasa, ka vendosur t’i hyjë edhe pop muzikës.
Është kënga e saj e parë në këtë zhanër e cila më shumë sesa pop është një eksperiment dhe përzierje me muzikën elektronike, një miks ky i njohur në industrinë e muzikës shqiptare të viteve të fundit.
Titullohet “Si dikur” dhe vjen në bashkëpunim me produksione audio dhe video që janë gjithashtu të reja në skenën e muzikës kosovare./Insajderi.com
