Shqiptari i sulmuar në Ekuador është Remzi Azemi nga Kosova

10.11.2017 15:34
Shqiptari i sulmuar në Ekuador është Remzi Azemi nga Kosova

Mediat ekuadoriane kanë publikuar emrin e shqiptarit të cilit dyshohet se iu bë një atentat mafioz për pazaret e kokainës.

Bëhet fjalë për Remzi Azemin nga Kosova, i cili ka marrë tre plumba, ndërsa lëvizte me makinë të blinduar.

Ai ndodhet jashtë rrezikut, ndërsa policia ka ndaluar një të dyshuar, transmeton tch.

Ky është rasti i dytë që shqiptarët në Ekuador bien pre e sulmeve brenda një harku të shkurtër kohor.

Në muajin maj të këtij viti në të njëjtin qytet, mbeti i vrarë Ilir Hidri, që gjithashtu dyshohet si i përfshirë në trafikun e drogës.