Një tjetër ngjarje e pazakontë ka ndodhur në fshatin Stajkë të Shkodrës. Ela Palushi tentoi t’i vendoste flakën vjehrrës dhe kunatës, por fatmirësisht ngjarja u mbyll pa lëndime në njerëz apo dëme materiale.
Ka qenë burri i saj dhe anëtarët e tjerë të shtëpisë që parandaluan përshkallëzimin e ngjarjes duke mos e shndërruar në një tragjedi, raporton mediumi shqiptar Shekulli.
“Më datë 29.07.2016 rreth orës 00:20, në fshatin Stajkë, në banesën e shtetasit L.P, shtetësia E.P, ka tentuar të djeg me benzinë, duke i spërkatur, vjehrrën dhe kunatën. Nuk ka pasoja në njerëz apo dëme materiale. Punohet për sqarimin e rrethanave të ngjarjes”, informon policia.
Autorja është shoqëruar në komisariat për sqarimin e rrethanave të ngjarjes.
