ShBA ndalon pajisjet elektronike në fluturimet direkte nga Lindja e Mesme

21.03.2017 07:48
ShBA ndalon pajisjet elektronike në fluturimet direkte nga Lindja e Mesme

Qeveria e Shteteve të Bashkuara pritet të ndalojë udhëtarët në fluturimet direkte nga Lindja e Mesme për në shtetet e Afrikës Veriore, të bartin në bord pajisje të mëdha elektronike.

Ky ndalim, i cili pritet të hyjë në fuqi sot, është njoftuar në një deklaratë të kompanisë ajrore Royal Jordanian.

Zyrtarët amerikanë i kanë thënë agjensive, AP, Reuters, CNN dhe mediave të tjera, se kjo ndalesë do të aplikohet vetëm për fluturimet direkte për në SHBA nga 10 aeroportet në 8 shtetet e Lindjes së Mesme dhe Afrikës Veriore. Ata nuk kanë përmendur se për cilat shtete bëhet fjalë.

Royal Jordanian ka thënë se telefonët dhe pajisjet mjekësore pritet që të mos përfshihen në këtë ndalesë. Por pajisjet e tjera, ka thënë kjo kompani ajrore, duhet të futen në bagazh. Kjo kompani ka shtuar se kjo ndalesë do të prekë pasagjerët që fluturojnë drejt Nju Jorkut, Çikagos, Detroidit dhe Montrealit.

CNN raporton se kjo ndalesë është e lidhur me kërcënimin që paraqet Al-Kaida në Gadishullin Arabik, i cili ka qenë i përfshirë në sulmet e para në avionët që ishtin nisur drejt SHBA-së