Një gjykatë në Serbi ka dënuar një kroat me tre vjet burgim, i cili ka pranuar fajësinë për spiunazh.
Por Kroacia ka mohuar se personi i dënuar, Cedo Colovic ka punuar për Zagrebin.
Colovic, 57-vjeçar, që ka pasaportë serbe dhe kroate u arrestua javën e kaluar. Prokurorët serbë nuk kanë treguar se për cilin shtet ka spiunuar ai. Ata kanë thënë se ai ka jetuar në Kroaci deri në vitin 1990 dhe më pas është zhvendosur në Serbi.
Në ndërkohë, mediat serbe kanë raportuar se Colovic ishte oficer në forcat rebele serbe gjatë luftës për pavarësi të Kroacisë në vitet e 90-ta, i cili më pas përfundimit të konfliktit u zhvendos në Serbi.
Raportet e medieve thonë se Colovic kishte dhënë Kroacisë informacione të inteligjencës ushtarake, që më pas janë përdorur për të ngritur akuza për oficerët serbë, shkruan rel.
Por, presidentja e Kroacisë, Kolinda Grabar-Kitarovic ka dënuar se ky person ka punuar për shtetin kroat.
