Nënkryetari i LDK-së Haki Rugova ka thënë se nuk ka rëndësi kush e dërgon projektligjin për ushtrinë, e rëndësishme sipas tij, është vetëm formimi i saj.
“Ushtrinë nuk e formon PDK-ja e as LDK-ja por atë e formojnë institucionet e Kosovës. Nuk ka rëndësi se kush e ka dorëzuar projektligjin për ushtrinë, ata që janë akterë kryesor për këtë çështje edhe e kanë dorëzuar”, tha thënë Rugova për Express.
LDK, siç bëri të ditur ai, nuk ndjehet keq për këtë çështje, por mjafton që FSK të transformohet në ushtri.
Krijimi i Forcave të Armatosura të Kosovës është paraparë që prej më shumë se dy vjetësh, por ajo nuk mundi të krijohej pa ndryshimet Kushtetuese që kërkojnë mbështetjen e dy të tretave të deputetëve.
Lista Serbe ka qenë pengesa kryesore drejt formimit të ushtrisë.
