Ndonëse nuk e ka qëlluar moton e Lëvizjes Vetëvendosje për protestën e 29 shtatorit, Agim Bahtiri ka fituar respektin e anëtarëve të kësaj partie. Si politikani i vetëm që nuk i takon VV-së e që do të merr pjesë në këtë protestë, thirrjen e Bahtirit për protestë po e shpërndajnë anëtarët e VV-së.
Boiken Abazi ka shpërndarë thirrjen e Bahtirit për protestën e javës së ardhshme. Fillimisht Bahtiri kishte huqur moton e VV-së për këtë protestë. Duke dashur të thotë se një popull nuk i nënshtrohet një njeriut, Bahtiri ka thënë se “një popull nuk i nënshtrohet një populli”.
Postimin e korrigjuar të Bahtirit e ka shpërndarë në llogarinë e tij në Facebook, Boiken Abazi.
“Nuk jam mësuar të thërrasë protestë, por kësaj radhe do të thërrasë fuqishëm. Është momenti i duhur, koha e duhur, e vetëm populli do t’ia kallëzojë vendin çdokujt. E do të jem me popullin, sepse ai është sovrani i këtij vendi”, citon Abazi fjalët e Agim Bahtiri, kryetarit të komunës së Mitrovicës./Insajderi.com