Një rregull i ri i vendosur nga Ministra e Punëve të Brendshme ka vë para aktit të kryer vozitësit.
Secili nga ata që ngasin vetura dhe kanë gjoba të papaguara do të hasin në probleme kur ta bëjnë regjistrimin e automjeteve.
Nga sot e tutje, asnjë makinë nuk do të mund të regjistrohet apo të shitet pa i bërë pagesat e tiketave të marra në trafik.
Prapa kamerës së T7 qytetarët theksojnë se ky kushtëzim është i papranueshëm.
Madje ata thonë se kjo po bëhet në mënyrë që të mbushet buxheti i Kosovës.
Por, kështu nuk mendon zëvendës ministri i Punëve të Brendshme, Izmi Zeka, i cili thekson se kjo po bëhet për të sjellë rregull në çështjen e regjistrimit të veturave.
“Nuk kemi marrë një vendim që sanksionon qytetarët, por të krijojmë një sistem të funksionimit normal dhe njëkohësisht të dimë se kush po i keqpërdor veturat.”
Krijimi i data bazës së të dhënave sipas zëvendës ministrit do të ulë mundësinë e keqpërdorimeve të veturave nga vozitësit.
“Kemi arritur të krijojmë një data bazë që lidh gjitha qendrat e automjeteve dhe mundësia është e vogël të mos pagesës dhe keqpërdorimeve të tjera.”
