Rrëfimi i Celinës për klubin, kombëtaren dhe jetën në Angli

06.11.2017 18:00

Bersant Celina thotë se ai është i duke e dashuruar jetën tek skuadra e re, Ipswich Town. Kosovari thotë se futbollistët e Ipswich janë "djemtë më të mirë që ka luajtur ndonjëherë." 21-vjeçari, i cili është huazuar tek skuadra e kategorisë së dytë angleze nga Manchester City, ka shënuar gjashtë gola në këtë stinor me Ipswich.

Rrëfimi i Celinës për klubin, kombëtaren dhe jetën në Angli

Bersant Celina është i lumtur në Ipswich Town. Mesfushori i kombëtares kosovare po kalon formën e karrierës tek skuadra e re, teksa shprehet i dashuruar me tifozët dhe jetën në Ipswich.

“Unë jam shumë i lumtur për veten time që po arrij të shënoj gola. Gjithashtu [jam i lumtur] për ekipin dhe për të gjithë tifozët”, tha Celina, në një intervistë të dhënë për mediumin lokal anglez, TWTD.

Përkundër spekulimeve, Celina, i cili sezonin e kaluar luajti si i huazuar në Holandë me FC Twenten, thotë se po shijon plotësisht jetën në Portman Road.

“Unë me të vërtetë po kaloj mirë këtu [në Ipswich]”, këmbënguli ai. “Këta janë djemtë më të mirë që kam luajtur ndonjëherë në një skuadër – ata janë të mahnitshëm. Ata janë të gjithë miq vërtetë të mirë. Unë jam i lumtur dhe në vendin e duhur”.

Celina, i cili më parë ka luajtur tetë ndeshje për përfaqësusen A të Kosovës, duke shënuar një gol, do të kalojë dy javët e ardhshme me kombëtaren U21 të Kosovës, të cilët zhvillojnë dy ndeshje të rëndësishme kualifikuese të enjtën ndaj Izraelit dhe të hënën kundër Azerbajxhanit, raporton Insajderi.

“Unë kam dy ndeshje për t’i luajtur me ekipin tim kombëtar në vijim do të fokusohem tek ato ndeshje së pari, para se të kthehem sërish [në Ipswich]. Dua të qëndroj këtu për aq kohë sa do jetë e mundur – jam i lumtur”, deklaroi Celina për TWTD.

Në lidhje me afërsinë që ka me tifozët dhe njerëzit në Ipswich, me të cilët ai shpejt u bë hero, Celina shtoi: “I vlerësoj shumë tifozët, ata po e shohin se unë po jap gjithçka”. /Insajderi.com