Deputetët e Kuvendit të Kosovës, kanë miratuar sot rezolutën për transformimin e FSK-së në Forcë të Armatosur të Kosovës.
Por kjo rezolutë ashtu siç edhe rezolutat e tjera të miratuar në Kuvendin e Kosovës nuk i obligojnë Institucionet e Kosovës që të ndërmarrin hapa në drejtim të rezolutës.
Në rezolutën e miratuar sot nga Kuvendi i Kosovës, thuhet se Qeveria autorizohet që sa më parë të koordinojë dhe procedojë në Kuvend për miratim strategjinë për transformimin e FSK në FAK.
Rezolutat e nxjerra në kuvend edhe në rast se nuk zbatohen ashtu siç parashihet nuk ka sanksione as ndaj Qeverisë së Kosovës dhe as ndaj Kuvendit.
Përgjegjësia e vetëm në këtë rast është se Kuvendi mund të i kërkojë qeverisë të zbatohet rezoluta por e gjitha mbyllet me kaq.
Kuvendi i Kosovës kishte miratuar rezolutë edhe për rrënimin e murit në veri të vendit e cila parashihej që Qeveria e Kosovës të rrënonte murin brenda muajit janar, gjë e cila nuk kishte ndodhur./Insajderi.com
