Real Madridi dëshiron rikthimin e Marcos Alonsos

22.03.2017 11:22
Real Madridi dëshiron rikthimin e Marcos Alonsos

Real Madridi është duke e shikuar mundësinë e kthimit të Marcos Alonsos nga Chelsea.

Mbrojtësi i majtë është duke treguar formë të mirë që nga kalimi te Chelsea prej Fiorentinës, në fund të gushtit.

Ai është një nga mbrojtësit më të mirë në Ligën Premier.

Sipas asaj që shkruan Marca, Reali është duke e shikuar mundësinë që të nënshkruajë me lojtarin që doli nga akademia e tyre e njohur me emrin Castilla.

Alonso shihet si zëvendësues i Marcelos, por për ta blerë nga Chelsea duket e vështirë.

Antonio Conte nuk ka interesim që ta largojë lojtarin në këtë verë pas përfomancave të shkëlqyeshme tek klubi londinez.

Chelsea është në pozitën e parë në Premier Ligë me 69 pikë 10 më shumë se përcjellësi i dytë Tottenham, ndërsa Chelsea së bashku me Tottenham kanë mbrojtjen më të mirë në ligën angleze me nga 21 gola të pranuar. /Insajderi.com