Kryeministri i Kosovës, Isa Mustafa, i cili ka marrë pjesë në samitin e kryeministrave të vendeve të Ballkanit Perëndimor në Sarajevë, ka thënë se ia ka ndaluar kryeministrit serb, Aleksandar Vuçiq, që të diskutojë tema që kanë të bëjnë me politikat e brendshme të Kosovës.
Në një deklaratë për RTK-në, kryeministri Mustafa ka thënë se i ka bërë me dije se për çështjen e transformimit të FSK-së në ushtri dhe tema të tjera Kosova diskuton vetëm me partnerët ndërkombëtare, por jo edhe Serbinë.
“Vuçiqi hapi disa çështje që nuk I takojnë atij, çështjen e transformimit të FSK-së në ushtri, pronave, çështjen e vazhdimi të dialogut e çështje të tjera. Unë I thash këto çështje janë të tema brendshme të Kosovës për të cilat në mënyrë legjitime vendosim vet dhe në asnjë rast nuk i diskutojmë me të tjerët sepse janë çështje të politikave të brendshme”, ka thënë ai./Insajderi.com
