Kapen 44 kg kanabis...

23.11.2017 11:18

Reagimi i Kurtit pas vendimit për rinumërim të votave në Prishtinë dhe Prizren

23.11.2017 11:23
Reagimi i Kurtit pas vendimit për rinumërim të votave në Prishtinë dhe Prizren

Deputeti i Lëvizjes Vetëvendosje, Albin Kurti ka folur në Kuvendin e Kosovës për balotazhin e 19 nëntorit, ku sipas tij, fituese doli Vetëvendosje e humbën partitë që mbajtën pushtetin deri më tani.

Kurti tha se qytetarët thanë fjalën e tyre më 19 nëntor, por tha se vota e tyre po sulmohet që nga e diela e kaluar.

“Qytetarët e Republikës kanë vendosur të dielën e 19 nëntorit. Por pas të dielës regjimi ka filluar fushatën, duke e sulmuar votën e VV-së. Gara elektorale fitohet duke i bindur qytetarët, me program në teren. Jo duke i përdorur mediat që janë krijuar për të manipuluar”, tha Kurti.

Kurti, duke iu drejtuar partive në pushtet tha se zgjedhjet dëshmuan se ato as nuk mund ta blejnë vullnetin e qytetarëve.

“Këto zgjedhje treguan se as nuk mund ta bleni vullnetin e qytetarëve. Vota e qytetarëve tregoi se Shpendi mund ta vazhdojë qeverisjen e Prishtinës, se Prizreni do të udhëhiqet nga Mytaheri, e Kamenica nga Qëndroni”,  tha ai.

“Nuk mund ta vjedhni këtë fitore, nuk mund t’ia vjedhni këtë vullnet qytetarëve. Koha juaj ka përfunduar”, përfundoi Kurti.