Reagimi i Haskukas pas vendimit të Gjykatës për mos rinumërim të votave

25.11.2017 17:20
Reagimi i Haskukas pas vendimit të Gjykatës për mos rinumërim të votave

Gjykata Supreme sot mori vendim që votat e zgjedhjeve të 19 nëntorit në Prizren dhe Prishtinë mos të rinumërohen, duke aprovuar kështu kërkesën e Vetëvendosjes, e cila dje u ankua për vendimin e PZAP-it që dërgoi komunat në rinumërim.

Këtë vendim e ka mirëpritur kandidati i Vetëvendosjes për kryetar të Prizrenit, Mytaher Haskuka.

Ai ka thënë se me këtë vendim u mbrojt demokracia e zgjedhjeve që u mbajtën të dielën.

“Vendim i drejtë e cila e mbron procesin demokratik dhe votën e lirë qytetare, në të kundërtën nuk do të kishte demokraci në Kosovë. Procesi zgjedhor në Prizren dhe Prishtinë ka qenë i mirë dhe pa asnjë problem, edhe numërimi ku gjithë komisionerët kanë nënshkruar FRP-të pa vërejtje, prandaj Gjykata Supreme nuk ka mujt me vendos ndryshe pos që të hudh poshtë vendimin skandaloz të PZAPsë”, ka thënë Haskuka për Indeksonline.

Kujtojmë se kundërkandidat i Haskukës për garën në Prizren ishte Shaqir Totaj i PDK-së.