Përfaqësues të pozitës dhe opozitës u takuan në Tiranë për dialog politik

Përfaqësues të pozitës dhe opozitës u takuan në Tiranë për dialog politik

Analisti politik, Naim Rashiti, ka konfirmuar se takimi i radhës mes përfaqësuesve të subjekteve politike në vend është mbajtur në Tiranë.

“Takimi i radhës në kuadër të dialogut politik është mbajtur ne Tiranë në nivel të nënkryetarëve dhe përfaqësuesve të lartë të subjekteve politike parlamentare, PDK, LDK, VV, AAK dhe NISMA”, ka shkruar ai në llogarinë e tij në facebook.

Është raportuar se Rashiti ka qenë në rolin e ndërmjetësuesit të këtij takimi mes përfaqësuesve politik. Madje ka paralajmëruar edhe takime tjera të këtij niveli.

“Ky është takimi i 9-të i këtij niveli nga marsi i viti 2016. Dialogu politik i filluar vitin e kaluar do të vazhdojë i pandërprerë dhe të gjitha çështjet e rëndësishme do të jenë pjesë e diskutimeve midis subjekteve politike. Kësaj radhe ky takim ndodhi në Tiranë e takimet tjera do të vazhdojnë të mbahen në Prishtinë, dhe jo vetëm”, ka shtuar ai./Insajderi.com