Werder Bremeni është eliminuar nga Bayer Leverkusen në çerekfinale të kupës së Gjermanisë.
Në çerekfinalen e luajtur në ‘BayArena’, Werderi i Rashicës pësoi humbje 4:2, duke u eliminuar nga ‘DFB Cup’, raporton Insporti
Werderi kaloi dy herë në epërsi me golat e shpejtë të Max Kruse e Aron Johannsson, në minutat 4′ e 7′, por Bayer Leverkuseni barazoi me dy golat e e Julian Brandt [në minutat 31′ e 55′], për të përmbysur gjithçka në vazhdime.
Koha e rregullt përfundoi baras 2:2, ndërkaq, në vazhdime Leverkuseni realizoi edhe dy herë tjera, me anë të Karim Bellarabi [111′] e Kai Havertz [118′], për rezultatin përfundimtar 4:2.
Notat e lojtarëve të takimit Bayer Leverkusen – Werder Bremen:
Milot Rashica u inkuadrua në lojë në minutën e 46′ të pjesës së dytë, derisa zhvilloi gjithsej 75 minuta në këtë takim, në paraqitjen e tij të dytë me fanellën e Werder Bremenit.
Për paraqitjen e tij në këtë përballje, ylli i Kosovës u vlerësua me notën mesatare 6.4, ku fitoi 7 nga 16 duele, bëri një drbilim të suksesshëm nga 6 tentime dhe bëri dy harkime.
Në ndeshjen tjetër çerekfinale të DFB Pokal, Bayerni siguroi gjysmëfinalen me fitoren e thellë ndaj Padebornit, ndërkaq nesër zhvillohen përballjet Eintracht Frankfurt – Mainz e Schalke 04 – Wolfsburg. /Insporti.com
Golat në takimin Bayer Leverkusen – Werder Bremen:
https://www.youtube.com/watch?v=wdw0nrGmWuc
