Gazi lotsjellës siç duket ka ndikuar keq në shëndetin e deputetit të Kuvendit të LDK-së, Ramiz Kelmendi. Ai për Express ka thënë se gjendja e tij shëndetësore është rënduar pak pas hedhjes së gazit. Megjithëkëtë, Kelmendi thotë se do të jetë në vazhdimin e seancës. “Nuk heq lehtë dorë”, thotë ai
“Më bëri dëm gazi. Ndikoi tek unë më shumë se herave të tjera. Mbrëmë e përfundova dializën e sot menjëherë me gaz. Ta shohim tash. Megjithëkëtë unë do të jem në sallën e Kuvendit. Nuk dorëzohem lehtë”, i ka thënë Kelmendi Expressit.
“Me tregu të drejtën, pas trajtimit të dializës jam pak ma i dobët. Nëse përsëri hedhet përsëri gaz, jom ma në qosh andej edhe dal më shpejt”, thotë Kelmendi.
Kujtojmë se deputeti i LDK-së mbrëmë e përfundoi terapinë e hemodializës. Gjendja e tij shëndetësore nuk është shumë e mirë.
