Qyteti i Mitrovicës ka mbetur pa ujë të pijshëm qysh nga mesdita – të premten. Problemi nuk është sanuar as pas orëve të tëra të kaluara me mungesë uji.
Arsye e mungesës së ujit nuk janë problemet e ujësjellësit, por problemet e KEK-ut me rrymë, ka thënë për Klan Kosovën, zëdhënësi i Ujësjellësit Rajonal Mitrovica, Niman Baliu.
Sipas Baliut, mungesa e rrymës pamundëson edhe furnizimin me ujë të pijshëm, porse problemet e tanishme janë brenda kompetencave të KEK-ut dhe pritet që ata t’i sanojnë këto probleme.
Klan Kosova ka provuar të kontaktojë edhe zëdhënësin e KEK-ut, por kontakti me të ka qenë i pamundur.
