Me rastin e shënimit të muajit tetor, si muaj i vetëdijësimit të luftës kundër kancerit të gjirit, Klinika e Radiologjisë e Qendrës Klinike Universitare të Kosovës organizon fushatën e kryerjes së mamografisë gratis nga 1 deri më 31 tetor.
Qëllimi i fushatës këtë vit do të jetë kryerja e mamografisë tek femrat të cilat për herë të parë do të bëjnë këtë ekzaminim (mosha 40 vjeçare e sipër).
QKUK bën me dije se këto ekzaminime do të ofrohen në një orar të veçantë të punës (në ndërrimin e dytë, vetëm për këtë fushatë, me qëllim që mos të ngarkohet orari i rregullt i punës)
Klinika e Radiologjisë apelon tek të gjitha femrat e moshës 40 vjeçare e sipër që s’kanë bërë kurrë mamografi, të bëjnë patjetër.