Derisa familjarët e gjashtë shtetasve turq të kidnapuar në Kosovë, besojnë se të afërmit e tyre ende ndodhen në Kosovë, mediat turke raportojnë se ata tashmë janë paraqitur para një gjykate në Stamboll.
Sot është publikuar edhe një fotografi , ku shihen gjashtë të arrestuarit së bashku, të gjithë me duar të lidhura.
Mediat turke raportojnë se ata janë dërguar në Stamboll në departamentin Anti-Terror.
Të kidnapuarit në Turqi akuzohen për organizim të akteve terroriste, gjegjësisht për puçin anti – Erdogan.