Prokuroria Themelore në Pejë, ka ngritur aktakuzë kundër dy personave K.H. dhe të pandehurës A.Z. për veprën penale mundësimi ose detyrimi për prostitucion.
Sipas aktakuzës, i pandehuri K.H. nga viti 2014, deri në muajin nëntor të vitit 2016 në Pejë, duke e kërcënuar seriozisht e ka detyruar të dëmtuarën V.T. me të cilën ka bashkëjetuar dhe kanë një vajzë, që të merret me prostitucion, duke i gjetur klient të ndryshëm.
Derisa e pandehura A.Z. sipas aktakuzës në nëntor të vitit 2014, në Pejë, e ka detyruar viktimën V.T. që të merret me prostitucion, “duke ia gjetur asaj dy klientë”. /Insajderi.com