Pas një përleshje masiva pas përfundimit të ndeshjes së boksit ndërmjet Robin Haxhi Krasniqit dhe Arthur Abraham në Erfurt, Zyra Shtetërore e Policisë Kriminale dhe Prokurori i Shtetit në Gjermani kanë nisur një hetim për incidentin.
Siç ka njoftuar Zyra Shtetërore e Policisë Kriminale gjermane, hetimet kanë nisur për përleshjen që përfundoi me lëndime të rënda në orët e para të mëngjesit në Erfurt, raporton mediumi gjerman “Thueringer Allgemeine”.
Pas meçit Krasniqi-Abraham, një sherr ka lindur në sallën ku u zhvillua meçi, derisa më së keqi e kishte pësuar boksieri armen që ishte jashtë ringut, Karo Murat.
Bild raportoi se Murat, që ishte ulur në rendin e parë, është rrahur nga dhjetë tifozë pas përfundimit të meçit ndërmjet Krasniqit dhe Abrahamit, të cilin e fitoi ky i fundit, transmeton Koha.net.
Murat është sulmuar me grushte dhe karrige, ndërsa raportohet se 33 vjeçari ka lënduar buzën. /Insajderi.com
