Kolona të gjata të makinave po presin për të hyrë në Kosovë nga pika kufitare në Merdare.
Nga Policia e Kosovës është bërë e ditur se udhëtarët po detyrohen të presin më se dy orë për të hyrë në territorin e Kosovës nga kjo pikë.
Ndërsa, për të kaluar nga Kosova në Serbi qytetarët duhet të presin një orë. Kurse, në pikën kufitare Dheu i Bardh pritja për të hyrë në Kosovë po zgjatë për më se gjysmë ore, e dalja nga Kosova rreth 15 minuta.
Në pikat tjera kufitare gjithçka po shkon siç duhet.
Për t’i evidentuar këto pritje të gjata në dy pikat Merdare dhe Dheu i Bardhë, ku fluksi i kalimtarëve është më i madh në këtë pikë, policia ka dalë në terren dhe është duke punuar në këtë drejtim.
