Prishtina ka dhënë sinjal të qartë se do të futet me ambicie të mëdha në edicionin pranveror.
Kryeqytetasit “shkatërruan” Istogun me rezultat 5 me 1, në ndeshjen që u zhvillua në kuadër të Kupës së Kosovës, në Stadiumin e Qytetit në Prishtinë.
Takimi i takoi në përgjithësi prishtinasve të cilët patën një paraqitje të jashtëzakonshme. Që nga minuta e parë Prishtina tregoi se është futur në këtë takim vetëm për fitore.
Për Prishtinën dy herë shënoi Dren Gashi, dhe nga një gol shënuan Petrit Osmani, Kreshnik Lushtaku e Gentrit Begolli. Për Istogun golin e vetëm e shënoi ish-futbollisti i Besës, Dukagjin Gashi.
Kjo ishte ndeshja e parë e të dyja skuadrave në stinorin e ri pranveror, ku pritet të zhvillohet një garë e fortë për Kupën e Kosovës dhe titullin kampion./Insajderi.com
